Ministra evropiane kane paralajmeruar ne New York se Rusia po intensifikon operacionet hibride ne Evrope — nga sabotazhi dhe sulmet kibernetike, deri te incidentet me drone dhe presioni ndaj infrastruktures kritike.
Sipas vleresimeve te paraqitura nga zyrtare evropiane, qellimi i ketyre operacioneve eshte te krijohet pasiguri dhe te minohet mbeshtetja per Ukrainen. Megjithate, vleresimi aktual nuk eshte se Rusia po pergatit nje sulm konvencional te menjehershem ndaj territorit te NATO-s.
Shqetesimet jane shtuar pas nje serie incidentesh ne hapesiren ajrore te vendeve te Aleances. Me 14 shtator, nje avion luftarak italian ne mision te NATO-s rrezoi mbi Lituani nje dron te dyshuar rus Geran-2, pasi ai kishte hyre nga drejtimi i Bjellorusise. Autoritetet lituaneze thane se droni mbante eksploziv.
NATO ka paralajmeruar se shkeljet e hapesires ajrore, sabotazhet, aktivitetet kibernetike dhe operacionet e tjera hibride po e testojne gjithnje e me shume gatishmerine dhe kohezionin e Aleances.
Per Evropen, sfida po zhvendoset gjithnje e me shume ne ate qe ne terminologjine e sigurise quhet “zona gri” — veprime nen pragun e nje lufte te hapur, por qe mund te demtojne infrastrukture, ekonomi, sisteme komunikimi dhe sigurine kombetare.
Pse ka rendesi per Kosoven?
Ky zhvillim ka rendesi edhe per Ballkanin. Kosova mbetet nen ombrellen e sigurise se KFOR-it, ne nje kohe kur NATO duhet te ruaje stabilitetin ne Ballkan dhe, paralelisht, te forcoje krahun e saj lindor.
Rritja e perdorimit te droneve, sulmeve kibernetike, sabotazhit dhe presionit ndaj infrastruktures kritike tregon se konfliktet moderne nuk zhvillohen vetem me tanke dhe ushtri. Per Kosoven dhe rajonin, aftesia per t’u mbrojtur nga keto forma presioni po behet gjithnje e me e rendesishme.
