Osmani në kampin e Bondsteel gjatë Thanksgiving, falënderon ushtarët amerikanë për shërbimin e tyre larg familjeve

Presidentja e Kosovës, Vjosa Osmani, ka shkuar në kampin Bondsteel për të festuar Festën e Falënderimeve (Thanskgiving) bashkë me ambasadorin amerikan.

Ajo aty ka falënderuar ushtarët amerikanë dhe të shteteve të tjera për angazhimin e tyre për paqen në Kosovë, ndërsa theksoi se ata po festojnë larg familjeve të tyre.

“Së bashku me ambasadorin Hovenier, me ushtarët amerikanë dhe ushtarë nga shtete të tjera në kampin Bondsteel, sikurse çdo vit, kremtuam Festën e Falënderimeve (Thanskgiving). Mirënjohje për angazhimin e tyre të palodhur për paqen dhe sigurinë në Kosovë, përderisa ata festojnë këtë festë larg familjeve e më të dashurve të tyre”, ka shkruar ajo.

Thanksgiving është një festë kombëtare në Shtetet e Bashkuara të Amerikës.