Sipas një studimi të ri, kanceri i zorrës së trashë mund të rritet në moshën nën 50-vjeçare për shkak të rritjes së numrit të ‘moshave të përshpejtuara’.
Këta persona kanë një moshë biologjike që është më e lartë se mosha e tyre kronologjike, e cila shkaktohet nga një përzierje e zgjedhjeve të stilit të jetesës, si dieta dhe konsumimi i alkoolit dhe faktorëve mjedisorë, si ekspozimi ndaj kimikateve.
Ata studiuan njerëzit nën moshën 50 vjeç që kishin bërë kolonoskopi dhe llogaritën moshën e tyre biologjike duke analizuar mostrat e gjakut.
Ata zbuluan se çdo vit i plakjes së përshpejtuar lidhej me një rritje prej 16 për qind të rrezikut të zhvillimit të polipeve, rritje të vogla që mund të çojnë në kancer.
Ekipi u befasua kur zbuloi se faktorë të tjerë të rrezikut që normalisht lidhen me kancerin e zorrës së trashë, të tilla si yndyra trupore dhe historia e pirjes së duhanit, nuk ishin të lidhur me sëmundjen.
Një numër në rritje i kërkimeve sugjeron se moshat e përshpejtuara po bëhen më të zakonshme edhe pse jetëgjatësia vazhdon të rritet – një paradoks që studiuesit po hetojnë ende.
“Plakja është e shumëanshme dhe ne kemi nevojë për studime më të mëdha për të përcaktuar nëse mosha biologjike e shumicës së njerëzve është e njëjtë me moshën e tyre kronologjike”, deklaroi Dr Shria Kumar, specialiste e kancerit kolorektal.
“Është goxha e habitshme që studimet e shumta, duke përfshirë edhe tonat, kanë zbuluar se mosha biologjike ofron informacione të dallueshme shëndetësore dhe që mund të na ndihmojë të parandalojmë kancerin”, shtoi ajo.
Zbulimi vjen në mes të një shpërthimi mbarëbotëror të kancerit të zorrës së trashë në pacientët më të rinj dhe që ka habitur mjekët.
Ndërsa është më e zakonshme në moshën mbi 50 vjeç, sëmundja është rritur me 50 për qind në grupmoshat më të reja gjatë tri dekadave të fundit, sugjerojnë të dhënat e fundit.
Për këtë arsye në SHBA, drejtuesit e shëndetësisë tani rekomandojnë që shqyrtimi i kancerit të zorrës së trashë të fillojë në 45 vjeç.
Disa mjekë tani thonë se kjo duhet të zhvendoset edhe më e re, sepse gjysma e kancerit kolorektal me fillimin e hershëm ndodh tek njerëzit nën 45 vjeç.
Tani ka mënyra të shumta për të kontrolluar kancerin e zorrës së trashë, duke përfshirë teste më të përshtatshme të mostrave të jashtëqitjes të mbledhura në shtëpi.
Por kolonoskopia, një procedurë që kërkon qetësim në spital, mbetet standardi i artë.
Gjatë një kolonoskopie, mjeku identifikon dhe heq polipet – nga të cilat 30 përqind e njerëzve kanë – dhe parandalon formimin e kancerit.
“Ajo që është me të vërtetë, mendoj unë, emocionuese për mundësinë e kancerit kolorektal është se ne kemi një taktikë të qartë parandalimi”, tha Dr Kumar.
“Kolonoskopia nuk është vetëm zbulim i hershëm, por edhe parandalim i kancerit”.
