Produksioni ka paralajmëruar rikthimin e Egli Takos, por pa sqaruar se si do të jetë rikthimi i saj.
E për emrin e saj ka pasur një diskutim të gjatë mes Rozanës dhe Gjestit.
Ajo që të lë dyshime në këtë lojë është pyetja e Rozanës ndaj reperit nga Peja.
“A ka mundësi të sjellin Eglin sot?”.
Gjesti u përgjigj shkurt: “S’e di”. Megjithatë, ai shtoi se nëse Egli do të futej në shtëpi, do të prishte sfidën e mosreagimeve.
“Jo, nëse e sjellin, e prish, menjëherë. S’ma ndien, le të ulet çmimi e krejt. Jo, s’më intereson kjo punë”, tha Gjesti, duke treguar se për të, pranimi i Eglit në shtëpi do të ndikonte ndjeshëm tek ai.
Rozana e pyeti më tej: “E prish ë? Çka bën?”.
Gjesti u përgjigj pa hezitim: “Menjëherë e prish, i flas, muhabet, llaf sa të mundem”.
Duke e vërejtur ndjenjën që ai shfaqte, Rozana e pyeti: “Të ka marrë malli?”
“Po, qysh jo”, u përgjigj Gjesti me sinqeritet.
Ajo vazhdoi ta testonte më tej, duke e pyetur nëse e mendonte Eglin.
“Po, e mendoj”, pranoi Gjesti, duke shtuar se kishte pasur shumë momente të mira me të, por diçka kishte ndikuar negativisht në situatën e tyre.
Biseda mes tyre tregoi qartë se Egli është një person me rëndësi për Gjestin dhe se kthimi i saj në shtëpi mund të ndryshojë shumë dinamika brenda saj.
