Ish-banori i “Big Brother Vip”, Gert Ferra, analizoi lojën dhe situatat që po ndodhin në shtëpinë më të famshme në Shqipëri.
Gjatë emisionit, Gerti bëri një deklaratë të fortë, duke thënë se Egli është në një lidhje jashtë me një instruktor palestre.
‘‘Egli ka pasur një lidhje para se të futej në shtëpi. Unë besoj se, po të hapësh kamerat e Top Channel dhe ta shikosh me vëmendje, kush e ka sjellë ditën e parë fare kur ka ardhur në Top Channel. Për atë shkruan gjithë dynjaja dhe nuk e ka mohuar askush. Unë për emër e njoh, nuk e njoh personalisht. Pse po i bie më qafë këtij djali tjetër këtu? Pse po e masakron këtë djalë, kur ti për vete ke skeletin nën sirtarin tënd? I dashuri i Eglit quhet Mario, është instruktor palestre. Janë njohur të dy në palestër. Mua më vjen keq, sepse po e masakron Gjestin e shkretë, atë njeri që mos të kishte qenë ai njeri, nuk do të kishte dal ai Xumi në radhë të parë. Kam qenë vetë aty dhe e kam parë me sytë e mi që ajo nominoi veten dhe Xumin”, është shprehur aktori.
