Fituesi i edicionit të katërt të Big Brother VIP Albania, Gjesti, ka qenë sensacion i këtij viti.
Me 184 ditë izolim nga Big Brother Kosova në atë të Shqipërisë, ai rrëmbeu zemrat e të gjithë publikut.
Ndonëse nuk ka kaluar akoma një javë që nga përfundimi i këtij reality shou, këngëtari pejan po vazhdon me angazhime.
Në një postim të ri, ai njofton se më 25 prill do të performojë në një klub të Tiranës.
E romanca me Egli Takon, mbetet mjaft e përfolur në mediat rozë.
Tani që “Big Brother VIP 4” ka përfunduar, publiku është shumë kurioz që të dijë se çfarë po ndodh me dy ish-banorët e shtëpisë më të famshme në Shqipëri.
Por jo vetëm kaq, pasi fansat e Gjestit dhe Eglit duan të dinë edhe raportin e kësaj të fundit me familjarët e fituesit të edicionit të katërt të BBV.
Së fundmi një veprim i Eglit ka ngjallur reagime të shumta në rrjet, pasi kishte hequr nga lista e ndjekësve motrën e Gjestit, Blerinën.
Edhe pse një profil në Instagram ekziston me emrin e motrës së Gjestit, Blerina Kelmendi, e cila gjithashtu shpërndan video të motrës së fituesit të BBV4, nuk dihet nëse është vërtet profili real i saj.
Ajo ndjek vetëm gjashtë persona, një prej të cilëve është Gjesti, por ky i fundit nuk e ndjek atë, duke ngjallur dyshime nëse është vërtet motra e Besart Kelmendit ose jo.
Fansat e çiftit kanë aluduar se raporti i tyre nuk është në gjendjen më të mirë, por vetë personat nuk kanë bërë ndonjë reagim të tillë.
Kujtojmë se në festën e organizuar nga “Big Brother VIP” Gjesti dhe Egli janë shfaqur bashkë dhe më të lumtur se kurrë.
