Emisari i Bashkimit Evropian për dialogun Kosovë-Serbi, Peter Sorensen, ka mbërritur në ndërtesën e Qeverisë së Kosovës, ku po zhvillon një takim me zëvendëskryeministrin në detyrë, Besnik Bislimi.
Vizita e Sorensen në Prishtinë vjen mes ngërçit institucional dhe për këtë vizitë nuk pati njoftim zyrtar nga Bashkimi Evropian.
- Advertisement -
Takimi nisi nga ora 11:00 dhe nuk dihet nëse Sorensen do të deklarohet për media.
Sorensen para takimit me Bislimin qëndroi në KFOR ku u takuar me komandantin Enrico Barduani.
- Advertisement -
Emisari i BE-së qëndroi në Prishtinë në mars të këtij viti ku zhvilloi takime njoftuese me krerët e vendit. Pas vizitës në Kosovë, ai kishte shkuar edhe në Serbi.
Sorensen ka në fokus kryesisht zbatimin e Marrëveshjes së Ohrit.
