Ministri i Mjedisit, Planifikimit Hapësinor dhe Infrastrukturës, Liburn Aliu ka reaguar pas lajmeve se ai po hetohet lidhur me rastin e ambalazhuesve.
Ai ka thënë se nuk ka pasur asnjë njëftim zyrtar në lidhje me këtë çështje, duke shtuar se për të autoriteti më i lartë është ligji.
“Po qarkullon në disa media një lajm se kanë nisur hetime ndaj meje. Unë njoftim zyrtar nuk kam patur, por dëshiroj të njoftoj opinionin publik dhe vetë prokurorinë se për mua autoriteti më i lartë është ligji, se punoj dhe angazhohem çdo ditë për respektimin e ligjeve dhe zbatimin e tyre, dhe se për çdo çështje, çdo hetim apo çdo dyshim, jam i gatshëm të bashkëpunoj vetëm për drejtësi, sipas ligjit, deri në zbardhjen e plotë të çdo rasti”, ka shkruar Aliu.
Kujtojmë se Storm ka raportuar ekskluzivisht për këtë çështje.
