Lëvizja Vetëvendosje (LVV) ka konfirmuar kandidaturën e Abdyl Gashit për kryetar të Komunës së Artanës.
Sipas LVV-së, “Abdyl Gashi është kandidati që përfaqëson të gjithë qytetarët, përtej dallimeve, përfshirë ato partiake”.
Njoftimi i plotë:
Në Artanë, fronti i përbashkët i shqiptarëve bashkohet në Lëvizjen VETËVENDOSJE!. Abdyl Gashi, kandidati ynë për kryetar, është zgjidhja ideale për komunën.
Në takimin e sotëm në Artanë, me pjesëmarrjen e strukturave drejtuese të Lëvizjes VETËVENDOSJE! në këtë komunë, dhe në praninë e Kryeministrit Albin Kurti, sekretarit organizativ Alim Rama, koordinatorit të qendrave dhe deputetit Zyba, konfirmuam kandidaturën e Abdyl Gashit për kryetar të Komunës së Artanës.
Projektet e suksesshme të qeverisjes qëndrore për Artanën do t’i shumëfishojmë edhe në nivel lokal. Adresa e shqiptarëve në Artanë është Lëvizja VETËVENDOSJE!. Abdyl Gashi është kandidati që përfaqëson të gjithë qytetarët, përtej dallimeve, përfshirë ato partiake.
Na priftë e mbara!
