Ekipi i fushatës së Kamala Harris, ka publikuar një seri të re reklamash të fokusuara në të drejtat riprodhuese, duke treguar historinë e një gruaje nga Teksasi të quajtur Ondrea, e cila pësoi një abort në javën e 16-të të shtatzënisë.
Sipas reklamës, Ondrea-s iu mohua kujdesi standard – një abort – pasi humbi shtatzëninë dhe pësoi një infeksion kërcënues për jetën si rezultat.
Videoja përmban imazhe grafike të Ondreas, e shtrirë në një shtrat spitali me një prerje të madhe kirurgjikale në qendër të stomakut të saj, ndërsa një citim i fundit nga Donald Trump luan në sfond: “Ti do të mbrohesh dhe unë do të jem mbrojtësi yt”.
Harris i ka bërë të drejtat riprodhuese një temë kryesore të fushatës së saj, duke u anuar fort në një çështje që ka energjizuar demokratët dhe të pavarurit, që kur Gjykata e Lartë përmbysi Roe v Wade në qershor 2022 dhe është paraqitur dukshëm në fushatën presidenciale të Harris.
Të premten ajo do të vizitojë Teksasin, një shtet solid republikan, për të mbajtur një fjalim duke u fokusuar në të drejtat e abortit, si pjesë e përpjekjeve të saj për të tërhequr votuesit e moderuar në anën e saj.
