Kanë mjaftuar dy postime, që rrjetet sociale të ndezen sërish.
Gjithçka nisi me një postim të Joz Markut në “Instagram Story”, ku ndau një pjesë nga kënga e tij “Po shprehem” dhe e shoqëroi me një mbishkrim që menjëherë tërhoqi vëmendjen.
“Lyp ku të duash, se më të mirë s’gjen”.
Ky mesazh, i interpretuar si një kunjë i drejtpërdrejtë ndaj ish-partneres së tij, vjen dy ditë pasi Loredana deklaroi se Jozi ishte partneri i saj i vetëm që ka pasur këtë vit.
Dhe përgjigjja e Loredanës nuk vonoi!
Loredana publikoi një foto të re, dhe mbishkrimi në foto u pa si një përgjigje e qartë ndaj Jozit.
“Lojërat e tua tregojnë madhështinë time. T’fala të dashurës”.
Ky reagim i saj u interpretua menjëherë si një “thumb” i qartë ndaj Jozit dhe partneres së tij aktuale, për të cilën ai kishte pranuar publikisht muaj më parë se është një vajzë jo fytyrë publike.
Loredana dhe Jozi u bënë të njohur për publikun gjatë qëndrimit të tyre në Big Brother Albania, mirëpo pas përfundimit të spektaklit, të dy konfirmuan se kishin marrë rrugë të ndara nga njëri-tjetri.
Megjithatë, fansat kanë vazhduar të ndjekin çdo veprim të tyre në rrjete sociale, shpesh duke i lidhur postimet e tyre si “shenja” të fshehta komunikimi apo thumba reciproke.
