Ivanka Trump, vajza e presidentit të Shteteve të Bashkuara të Amerikës (SHBA), Donald Trump, ka publikuar në rrjetet sociale një foto ku shihen tre libra kushtuar Shqipërisë dhe historisë së saj.
Ajo ka ndarë në “Instagram Story” tre botime të ndryshme, të cilët trajtojnë aspekte të ndryshme të historisë dhe kulturës shqiptare.
“Shqipëria: Nga Anarkia në Identitetin Ballkanik” (Albania: From Anarchy to Balkan Identity) nga Miranda Vickers dhe James Pettifer, “Shqiptarët: Një histori moderne” (The Albanians: A modern history) nga Miranda Vickers dhe romanin “Gjenerali i ushtrisë së vdekur” i shkrimtarit Ismail Kadare.
Poshtë fotos, Trump ka shkruar fjalën “Kërkim”, duke treguar dukshëm kureshtjen dhe interesin e saj për historinë dhe kulturën shqiptare.
