India ndalon blerjen e naftës ruse në këmbim të uljes së tarifave amerikane; Trump: “Një fitore madhështore për punëtorët tanë!
WASHINGTON / NEW DELHI – Presidenti Donald Trump njoftoi sot arritjen e një marrëveshjeje historike me Kryeministrin e Indisë, Narendra Modi, e cila parashikon një ndryshim tektonik në tregtinë globale. Sipas marrëveshjes, India do të ndalojë menjëherë blerjen e naftës ruse, duke i dhënë një goditje të rëndë financave të Vladimir Putinit.
Në këmbim të këtij hapi, administrata Trump ka rënë dakord të ulë në mënyrë të ndjeshme tarifat për një sërë produktesh indiane që hyjnë në tregun amerikan, duke lehtësuar qasjen e Indisë në ekonominë më të madhe në botë.
“Art of the Deal” në Energji Trump e cilësoi këtë si një lëvizje “Win-Win” (fitore për të dyja palët).
“India do të marrë energji më të pastër dhe më të sigurt nga ne dhe aleatët tanë, ndërsa ne po ulim tarifat që po dëmtonin tregtinë. Moska nuk do t’i shohë më ato para. Është një marrëveshje e mrekullueshme,” deklaroi Trump përmes një postimi në Truth Social.
Sipas burimeve nga Shtëpia e Bardhë, SHBA do të rrisë eksportet e saj të Gazit Natyror të Lëngshëm (LNG) dhe naftës drejt Indisë për të plotësuar boshllëkun e lënë nga Rusia. Kjo lëvizje jo vetëm që izolon më tej Moskën, por forcon partneritetin strategjik mes Washingtonit dhe New Delhit në kuadër të rivalitetit me Kinën.
