Gjykata Themelore në Prishtinë i ka dhënë një leksion ligjor Korporatës Energjetike të Kosovës (KEK), duke hedhur poshtë padinë e tyre ndaj deputetes së LDK-së, Hyrie (Janina) Ymeri, dhe televizionit Klan Kosova. KEK-u pretendonte kompensim dëmi për “shpifje dhe fyerje” pas deklaratave të deputetes në emisionin ‘Rubikon’ lidhur me krizën energjetike, por Gjykata e ka cilësuar padinë si të palejueshme.
Arsyetimi i Gjykatës është një fitore e madhe për lirinë e medias dhe fjalës së lirë në Kosovë:
-
Statusi i Autoritetit Publik: KEK-u është ndërmarrje publike në pronësi të Qeverisë. Sipas Ligjit Civil kundër Shpifjes, autoritetet publike nuk mund të kërkojnë mbrojtje të reputacionit përmes padive të tilla.
-
Detyra për t’u Kritikuar: Gjykata u referua praktikave të Gjykatës Evropiane për të Drejtat e Njeriut (GJEDNJ), e cila e thotë qartë: Institucionet shtetërore duhet të jenë të hapura ndaj kritikës publike dhe nuk mund të përdorin gjykatat për të frikësuar opozitën apo mediat.
- Advertisement - -
Parandalimi i Konfliktit të Interesit: Duke qenë se KEK hyn në kategorinë e institucioneve publike, çdo tentativë për të padisë deputetët për fjalën e tyre në emisione politike bie ndesh me parimet demokratike.
