Skandal në MPJD: Fotografia e Hashim Thaçit hidhet në mbeturina

Një incident i rëndë është raportuar brenda Ministrisë së Punëve të Jashtme dhe Diasporës (MPJD), ku fotografia zyrtare e ish-Presidentit dhe ish-Ministrit të Jashtëm, Hashim Thaçi, është gjetur e hedhur në mbeturina.

Ky veprim konsiderohet si shkelje e hapur e rregullave të protokollit të shtetit, të cilat parashohin ruajtjen dhe vendosjen e fotografive të krerëve shtetërorë në hapësirat institucionale, pavarësisht bindjeve politike aktuale.

Burime brenda Ministrisë thonë se ky akt nuk ishte aksident, por një lëvizje e qëllimshme për të “pastruar” objektin nga figurat e ish-pushteteve, gjë që ka tensionuar stafin dhe ka nxitur kritika për degradim institucional.

Derisa Thaçi ndodhet në Hagë, trajtimi i imazhit të tij në këtë formë brenda institucionit që ai dikur e ka drejtuar, po shihet si një pikë e re e ulët e kulturës politike në vend.