Këngëtarja me famë ndërkombëtare, Rita Ora, vazhdon të hap zemrën për fansat në serinë dokumentare “Rita”, dhe në Episodin e 6 ajo ndan një moment intim dhe personal: origjinën e emrit të saj.
Ora rrëfen:
“RITA… isha emëruar nga gjyshi ❤️”
Ky episod jo vetëm që tregon se gjyshi i saj ka pasur një rol të veçantë në jetën e saj, por gjithashtu reflekton lidhjen e ngushtë familjare që e ka formuar Ritën si person dhe si artist. Përmes këtij rrëfimi, fansat kuptojnë më mirë historinë dhe emocionet që qëndrojnë pas identitetit të saj.
Por, kush ishte gjyshi i Rita Orës?
Ndonëse Ritën e njohim shumë mirë, ndoshta të paktë janë ata që njohën gjyshin e saj Besim Sahatçiu. Besim Sahatçiu ishte drejtor i teatrit, filmit dhe televizionit.
Pasi mbaroi gjimnazin në Pejë, Sahatçiu studionte letërsi në Universitetin e Beogradit. Pas ndërprerjes së studimeve për shkak të shërbimit të detyrueshëm ushtarak, ai punoi si përkthyes për disa vjet. Më pas, ai studioi teatrin në Akademinë e Artit Dramatik në Zagreb, Kroaci dhe mbrojti tezën e tij me vënien në skenë të dramës satirike të Gogol, Inspektori i Qeverisë, në Teatrin Provincial Popullor në Prishtinë. Ai ndërroi jetë në vitin 2005.
Sahatçiu drejtoi dhjetëra filma, seriale televizive dhe shfaqje gjatë gjithë karrierës së tij. Si drejtor skenik, ai punoi në Teatrin Kombëtar të Kosovës. Ishte një regjisor e skenarist i njohur i filmave “Përroi vërshues”, “Nabujala reka”, “Trimi”, “Pasqyra”, “Lulepjeshkat e dashurisë” dhe projekteve tjera filmike ndër vite, shkruan KultPlus.
