Storm/Presidenca-Kryeministria: Presidentja Vjosa Osmani dhe Kryeministri Albin Kurti, po zhvillojnë, sipas tyre, vizita të rëndësishme ndërkombëtare me agjenda të ngjeshura, por të ndryshme. Teksa Presidentja Osmani përfundoi një vizitë intensive në SHBA dhe më pas u ndal në Gjermani, Kryeministri Kurti ndodhet në Poloni, duke marrë pjesë në Forumin e Sigurisë së Varshavës.
Presidentja Osmani e kishte përshkruar vizitën në SHBA si një javë plot takime dhe aktivitete në interes të Kosovës. Ku sipas saj, mori pjesë në Samitin për Ukrainën, diskutoi me Presidentin Biden dhe mori pjesë në disa samite globale me fokus sigurinë dhe luftën kundër drogave sintetike. Pas SHBA-së, Osmani njoftoj se është ndaluar në Gjermani “… për të vazhduar takime të rëndësishme diplomatike”.
Nga ana tjetër, Kryeministri Kurti po përfaqëson Kosovën në Forumin e Sigurisë së Varshavës, ku sipas njoftimeve, herw nga zyra e kryeministrit e hera herws pwrmes profilit tw tij zyrtarw nw rrjetet sociale, ai ka zhvilluar takime me zyrtarë të lartë nga Polonia, Letonia dhe SHBA. Ka mbajtu një fjalim në forum, ku i ka theksuar rreziqet që paraqesin Rusia dhe Serbia për rajonin, ndërsa e ka treguar përparimin e Kosovës në vitet e fundit. Takimet e tij kanë përfshirë diskutime për sigurinë rajonale, mbrojtjen dhe digjitalizimin.
Edhe pse shumë të ndarë dhe me agjenda të ndryshme në vizitat e tyre, ato, sipas tyre, gjithsesi se do t’i shërbejnë Kosovës për të forcuar pozicionin e saj në arenën ndërkombëtare dhe për të ndërtuar partneritete strategjike. Për këto të fundit jemi shumë në nevojë dhe sigurisht jemi në pritje, a do t’iu dalin fjalët.
