E PLOTËSUAR / Sami Lushtaku është liruar pas intervistimit në stacionin policor në Skenderaj.
Ai u paraqit para hetuesve në Stacionin e Policisë që shkuan nga Prishtina për ta intervistuar në lidhje me incidentin e djeshëm në Skenderaj, ku u Hysni Mehani nga LVV-ja ishte sulmuar fizikisht.
Avokatët e Lushtakut Labinot Vata e Besiana Ismajli thanë se kreu i komunës së Skenderajt është liruar në procedurë të rregullt.
Lushtaku – Kurtit: Mos e përdor pushtetin, prokurorinë e gjykatat
Kryetari i Skenderajt, Sami Lushtaku, pas intervistimit, i ka bërë thirrje kryeministrit në detyrë, Albin Kurti, që ‘’mos ta përdor, pushtetin, prokurorinë e gjyktatat’’.
Lushtaku po ashtu ka falënderuar qytetarët që i kanë përkrahje atij.
‘’Ne i bëjmë thirrje nga këtu, që mos ta përdor pushtetin, mos ta përdor policinë mos ta përdor prokurorinë, mos ta përdor gjykatën. Unë ju falënderoj nga zemra edhe njëherë që sot e gjithmonë kështu bashkë këna me kanë, deri të na lëshon shpirti’’, ka thënë Lushtaku.
Sami Lushtaku mbërrin në Stacionin Policor për intervistim për sulmin ndaj Mehanit
