Banorët e Big Brother VIP Kosova 4 kanë biseduar së fundmi për edicionin e ri të Big Brother në Shqipëri.
Ata komentuan formatin e ngjashëm në të cilin janë, duke aluduar për personazhe dhe për mbarëvajtjen atje.
“O zotërinj ngadalë se ia ka filluar edhe komshia. Ku e di çfarë personazhe janë atje që ne nuk e dimë”, tha Eduard Kuçi në një moment.
Labinot Rexha pa qenë në dijeni për vdekjen e këngëtarit, përmendi emrin e Shpat Kasapit.
“Shpati”, u shpreh ai.
Përmendja e Shpatit nga Labi ka ardhur pasi para se të niste Big-u në Kosovë, lajmet kishin dalë gjithëandej se artisti nga Tetova do të bëhej pjesë e edicionit të pestë të Big Brother VIP Albania.
Gjithashtu, përkundër që shumë komentues i kishin bërë thirrje produksionit të ua kumtojë banorëve lajmin e humbjes së këngëtarit, por nuk kanë bërë një hap të tillë.
Sigurisht, pasi kjo mund të ndikonte në lojën e një pjese të banorëve, të cilët e kanë njohur Shpatin dhe kanë ndarë skenën me të.
“Aty edhe kur ofendojnë, ofendojnë me stil disi. Është theksi që e zbut”, tha Elijona Binakaj në anën tjetër.
Big Brother në Shqipëri ka nisur më 20 dhjetor 2025.
