Luiz Ejlli i dërgon mesazh Gjestit: Edhe pse nuk njihemi personalisht, të uroj forcë e durim

Lajmi i ndarjes nga jeta të vëllait të Gjestit ka tronditur opinionin publik dhe shumë figura të njohura kanë shprehur dhimbjen e tyre.

Mes tyre ka reaguar edhe këngëtari Luiz Ejlli, i cili ka ndarë një mesazh prekës në rrjetet sociale.

“Gjest, edhe pse bashkë nuk njihemi personalisht, lajmi i sotëm është i rëndë dhe prek këdo që e dëgjon. Ngushëllime të sinqerta për ty dhe familjen tënde”, shkroi Luizi.

Më tej, ai i uroi forcë e durim familjes së Gjestit për ta përballuar këtë periudhë të vështirë.

“Kujtimet e bukura të Eldionit qofshin ngushëllim e dritë në ditët që vijnë”.

Mesazhi i tij ka prekur ndjekësit, duke treguar edhe një herë solidaritetin që arti dhe muzika sjell përtej skenës.